लोकसभा वार्ता : 'कुछ तो गडबड है?' बाळ्यामामांची उमेदवारी व्हेंटिलेटरवर? तर सांबरेंची भूमिका गुलदस्त्यात? दोघांची स्वतंत्र लढत, कपिल पाटीलांसाठी आधारकार्ड? -Kishor K Gaikwad

लोकसभा वार्ता : 'कुछ तो गडबड है?' बाळ्यामामांची उमेदवारी व्हेंटिलेटरवर? तर सांबरेंची भूमिका गुलदस्त्यात? दोघांची स्वतंत्र लढत, कपिल पाटीलांसाठी आधारकार्ड?

ठाणे/मुरबाड : (किशोर गायकवाड) भाजप मुक्त महाराष्ट्राचा संकल्प केलेल्या महाविकास आघाडीकडून भिवंडी लोकसभेत (Bhiwandi Loksabha) राष्ट्रवादी काँग्रेस शरदचंद्र पवार पक्षा तर्फे भाजपाच्या कपिल पाटील यांचे विरोधात सुरेश (बाळ्यामामा) म्हात्रे (Suresh Mhatre) यांना अधिकृत उमेदवारी दिली आहे. या राजकीय द्वंद्वयुध्दात जिजाऊ संघटनेचे अपक्ष उमेदवार निलेश सांबरे (Nilesh Sambare) देखील उडी घेणार आहेत. त्यामुळे या तिरंगी लढतीच्या निकाला बाबत नवनवीन तर्कवितर्क समोर येत आहेत.

बाळ्यामामा हे राष्ट्रवादी (S.P.) कडून भाजपच्या उमेदवाराला पराभूत करण्यासाठी निवडणूक लढवित असल्याचे सांगत आहेत. होऊ घातलेल्या लोकसभा निवडणुकीत भाजपचा दारुण पराभव करणे हाच महाविकास आघाडीचा (Mahavikas Aghadi) धेय्य असून वंचित बहुजन आघाडी (Vanchit Bahujan Aghadi) देखील या प्रमुख मुद्द्यावर निवडणूक लढवित आहे. त्यात वंबआने (VBA) निलेश सांबरे यांना पाठिंबा दिल्याच्या बातम्या प्रसारित झाल्या होत्या. परंतु त्या पाठिंब्याबाबत पुढे अधिकृत माहिती नाही. एवढं मात्र नक्की, दोन्हीही उमेदवारांचे उद्देश कपिल पाटील (Kapil Patil) यांचा पराभव करणे हाच असल्याचे मानले जात आहे. परंतु एकाच उमेदवाराला पराभूत करण्यासाठी दोन उमेदवार त्यांच्या विरोधात फॉर्म भरणार, हे समीकरण जनतेच्या डोक्यावरून जात आहे.

डाव्या आणि उजव्या मतांच्या विभाजनात एकाच विचारधारेचे दोन उमेदवार कपिल पाटील यांचे समोर उभे असल्यास आपसूकच भाजपचा विजयाचा मार्ग मोकळा होत आहे. मात्र हा मार्ग मोकळा होत आहे की जाणीवपूर्वक केला जात आहे? अशा शंकांना हल्ली पेव फुटत आहेत आणि ते साहजिकच म्हणावे लागेल.

विविध राजकीय पक्षांचा अनुभव असलेल्या बाळ्यामामाची भूमिका लोकसभेच्या लढतीमध्ये नेहमीच दुटप्पी राहिली असल्याचा त्यांच्यावर आरोप आहे. तर काळ्या यादीच्या सीमेवर असलेल्या जिजाऊ कन्स्ट्रक्शन कंपनीला निर्विवाद करण्यासाठी सांबरे देखील सेटलमेंटचा पर्याय निवडू शकतात?अशीही एकीकडे चर्चा ऐकायला मिळत आहे.

बाळ्यामामा हे आपल्या मेळावे व परिषदेंमध्ये केवळ कपिल पाटील यांच्या बाबतीत टीकांवर भर देत आहेत. तर शिक्षणासाठी सांबरेंचा आधार घेतलेल्या अर्थिकदृष्ट्या दुर्बल विध्यार्थ्यांच्या यशाचा श्रेय घेऊन राज्यभर जाहिरात करून सांबरे निवडणूकीत मतांचा मुद्दा रेखाटत आहेत. परंतु कपिल पाटील पक्षाचा प्रोटोकॉल अनुसरून कार्यकर्ते यांचे जीवावर निवडणूक लढवित आहेत. या सर्वात बाळ्यामामा व सांबरे यांची विभक्त लढण्याची भूमिका कपिल पाटील यांच्या धनशक्तीला आव्हान देणारी नसून लीडसाठी पोषक असल्याचे ऐकीव आहे.

निलेश सांबरे हे कामा पेक्षा जास्त जाहिरात करीत असून स्वतःवर आधारित त्यांची गाणी वाजवून स्वतःचे कौतुक करवून घेतात, अशा विविध आरोपात ते जखडले आहेत. आपल्या जाहिरातसाठी त्यांनी ठिकठिकाणी माणसे देखील नेमली असल्याचे बोलले जात आहे. त्यामुळे सांबरे यांच्याकडून सुईच्या टोका इतकी देखील मदत घेतांना विचार करावा, अशा प्रतिक्रिया समोर येत आहेत. तसेच सांबरे यांच्या वैद्यकीय मदत केंद्रातून उपचारासाठी ठराविक जमातीच्या लोकांना डावलले जात असल्याचे अनुभव देखील रुग्णांच्या नातेवाईकांकडून सांगितले जात आहेत. त्यांनी केलेल्या रस्त्यांच्या विकास कामांवरून सांबरे आजपर्यंत राजकारणात ट्रोल होत आहेत. याबाबत विधानसभेत देखील मुद्दा उपस्थित करण्यात आला होता. तसेच मुरबाड तालुक्यातील कोलठण येथील त्यांच्या स्टोन क्रॅशरच्या ब्लास्टिंगमुळे गावातील कित्येक घरांच्या झालेल्या नुकसानीचा ठपका त्यांच्यावर आजही जैसे थे आहे. पीडित कुटुंबियांमध्ये आदिवासी बांधवांच्या घरांचा देखील मोठ्याप्रमाणात समावेश आहे. त्यामुळे जनतेचा नुकसान करणाऱ्या व स्वतःची पाठ थोपटून घेणाऱ्या उमेदवारा प्रति जनतेची फारशी भावना जोडली जाणार नाही, असे मतमतांतर मांडले जात आहेत.

मुरबाड मतदारसंघ हा लोकसभेचा विनिंग माईलस्टोन असल्याचे अभ्यासक नाकारत नाहीत. असे असतांना निलेश सांबरे अद्यापही मुरबाडच्या पत्रकारांसमोर उघडपणे आले नाहीत. तर बाळ्यामामा हे मविआकडून राष्ट्रवादी काँग्रेस (SP) गटाचे अधिकृत उमेदवार असतांना ही मविआच्या कार्यकर्त्यांमध्ये अपेक्षित चैतन्य दिसून येत नाही. शिवाय भिवंडी लोकसभेत आघाडी बाबत काँग्रेसची भूमिका देखील अद्याप स्पष्ट नाही. त्यामुळे भिवंडी लोकसभा मतदारसंघात मविआमधील बिघाडी चव्हाट्यावर आली आहे. तर मविआचे उमेदवार बाळ्यामामा यांचे मुरबाडमधील खंदे समर्थक भाजपचे माजी नगराध्यक्ष तथा विद्यमान नगरसेवक रामभाऊ दुधाळे हे सर्व लोकसभेची धुरा सांभाळत आहेत. नुकताच झालेल्या मविआच्या मेळाव्यात भोजनापासूनचे नियोजन रामभाऊ यांनी पाहिले होते. मात्र ते शेवटपर्यंत स्टेजवर गेले नाही. परंतु त्याची भगिनी नगरसेविका अनिता मार्के या व्यासपीठावर विराजमान होत्या. त्यामुळे ऐन निवडणूकीच्या वेळी रामभाऊ आपल्या भाजप पक्षाच्या उमेदवाराच्या प्रचाराचा धर्म पाळण्या ऐवजी विरोधी उमेदवारास बळ देण्याचे काम करीत असल्याचे म्हणावे लागेल.

या सर्वात 'कुछ तो गडबड है?' असं म्हणायची वेळ आता संभ्रमात असलेल्या मतदार राजावर आलेली आहे. त्यामुळे ही लोकसभा निवडणुक मूळ प्रक्रिये जवळ पोहचेपर्यंत अजून कोणकोणते पैलू समोर येतात? या विवंचनेत मतदार राजा अडकलेला भासत आहे. तर बाळ्यामामा व निलेश सांबरे हे चांगले मित्र असल्याचे सांगत असून दोघेही एकाच मतदारसंघातून वेगवेगळ्या निशाणीवर स्वतंत्र लढणे, हे जणू कपिल पाटील यांना आधारकार्डच ठरेल, असे मत विश्लेषक मांडत आहेत. त्यामुळे ऐनवेळी कोणी एक उमेदवार माघार घेणार आहे का? या प्रश्नाच्या उत्तरात सांबरेंची भूमिका गुलदस्त्यात तर बाळ्यामामाची उमेदवारी व्हेंटिलेटरवर भासत असल्याची मतदारसंघात चर्चा आहे.

-Kishor K Gaikwad

वाचा...

लोकसभा वार्ता : 'कुछ तो गडबड है?' बाळ्यामामांची उमेदवारी संशयास्पद? तर सांबरेंची भूमिका गुलदस्त्यात? दोघांची स्वतंत्र लढत, कपिल पाटीलांसाठी आधारकार्ड? -Kishor K Gaikwad

अनलिमिटेड भीमजल्लोष : महामानवाच्या आजोळी भीमजन्मोत्सवाचा गोडवा; विविध उपक्रमांची उत्साहाला जोड

मविआ युनिटी : शक्तिप्रदर्शन मेळाव्यात महाशक्ती एकवटली: 'हा निचपणाचा कळस' बाळ्यामामा 'या' मुद्द्यावर कपिल पाटलांवर घसरले, तर काँग्रेसच्या दांडीवर बाळ्यामामाचे उत्तरले..! Kishor K Gaikwad

#Boycott : अन्यथा आम्ही लोकसभेला मतदान करणार नाही फणसोली ग्रामच्या महिलांची पाण्यासाठी फाईट [Kishor K Gaikwad]

प्रतीक्षा संपली : बहुप्रतिक्षित मुरबाड संदर्भ आणि इतिहास पुस्तक वाचकांच्या भेटीला..! [KISHOR K GAIKWAD]

पहा फोटो, व्हिडिओ : अवकाळी पावसाने मुरबाड तालुक्यातील 'या' गावात घरांची मोठी नुकसानी KISHOR K GAIKWAD

हुर्रे! : आता मुरबाडच्या विद्यार्थ्यांना दहावीची परीक्षा झाली सोपी; वाढदिवसानिमित्त सुभाष पवार यांचेकडून मोबाईलमध्ये डिजिटल अ‍ॅप..! Kishor K Gaikwad

सामाजिक न्यायाचा दिवा : डॉ. बी.आर. आंबेडकर

Loksabha 2024 : 'सर्वसामान्य जनतेला प्रवासापासून, सुविधेपासून वंचित ठेऊन आता वंचितमध्ये उभे आहेत, ज्या भगिनींचे कुंकू पुसलं गेलंय ते ही गोष्ट विसरू शकत नाहीत ' मुरबाडच्या मेळाव्यात कपिल पाटलांचे निलेश सांबरेवर टीकास्त्र..! KISHOR K GAIKWAD

THEFT : 'या' गावातून खाटिकाच्या अकरा बकऱ्या गेल्या चोरीला..! [KISHOR K GAIKWAD]

मोफत लॅपटॉप मिळवण्याची सुवर्ण संधी - एक विद्यार्थी एक लॅपटॉप योजना

भिवंडी लोकसभा बिग अपडेट्स : आघाडीत बिघडी; बाळ्यामामा विरुद्ध चोरघे अन् कपिल रथाचा मार्ग सुखकर? Kishor K Gaikwad

शॉकिंग न्युज : मुरबाड MIDC मधील कारखान्यावर एकाचवेळी MSEDCL आणि महसूल विभागाचा छापा..! [KISHOR K GAIKWAD]

भिवंडी लोकसभा : मविआचं ताळमेळ जुळेना; मात्र कपा टीमचे कार्यकर्ते लागले तयारीला..! [ KISHOR GAIKWAD ]

असेच नवनवीन उपडेट्स साठी खाली दिलेल्या बटन वर क्लिक करून आमच्या टेलिग्राम चॅनलला सबस्क्राईब करा
[आमच्या फेसबुक पेजला झटपट भेट देण्यासाठी येथे क्लिक करा]
शब्द मशाल