अत्यंत धक्कादायक : स्वॅब न घेताच १० वर्षीय चिमुकलीचे कोरोना रिपोर्ट पॉझिटिव्ह! | Extremely Shocking: 10-year-old Corona Report Positive without taking Swab!

10-year-old Corona Report Positive without taking Swab!

अत्यंत धक्कादायक : स्वॅब न घेताच १० वर्षीय चिमुकलीचे कोरोना रिपोर्ट पॉझिटिव्ह!|Extremely Shocking: 10-year-old Corona Report Positive without taking Swab! 

 मुरबाडच्या आरोग्य यंत्रणेचा प्रताप

[ KISHOR K. GAIKWAD ]

मुरबाड : (दि. ५) कोविड चाचणीसाठी स्वॅब न घेताच एका १० वर्षीय चिमुकलीचे कोरोना टेस्ट रिपोर्ट चक्क पॉझिटिव्ह आल्याचा धक्कादायक आज मुरबाडमध्ये घडला आहे.

  मुरबाडमध्ये कोरोना रुग्णांची संख्या झपाट्याने वाढत असतांना स्वॅब टेस्टसाठी रुग्णांना ताटकळत उभे राहावे लागत होते. यावर पर्याय म्हणून मुरबाड शहरातील जुना डाक बांगला येथील जिल्हा परिषद शासकीय विश्रामगृहात अँटीजन रॅपिड कोरोना टेस्ट सुरू करण्यात आली. यामुळे रुग्णांना अवघ्या तासा भरात रिझल्ट कळणार आहे. मात्र याठिकाणी असणारे डॉक्टर आणि आरोग्य कर्मचारी निव्वळ हलगर्जीपणा करून नागरिकांच्या जीवाशी खेळत असल्याचा गंभीर प्रकार आज समोर आला आहे.

    मुरबाड शहरातील नागाचा खडक, प्रभाग क्रमांक १ च्या परिसरात पॉझिटिव्ह रुग्ण आढळल्याने याच परिसरातील सपकाळे कुटुंबीयांनी खबरदारीचा उपाय म्हणून दिनांक २ सप्टेंबर रोजी जिल्हा परिषद रेस्ट हाऊस येथे अँटीजन रॅपिड कोरोना टेस्ट करण्यासाठी गेले. त्याठिकाणी असणाऱ्या संबंधित डॉक्टरांनी त्यांचे आधारकार्ड आणि मोबाईल क्रमांक घेऊन स्वॅबसाठी कॉल करून बोलविण्यात येईल असे सांगितले. त्यानुसार आज सकाळी संबंधित कार्यालयातून सपकाळे कुटुंबीयांना कॉल आला असता अत्यंत धक्कादायक प्रकार समोर आला आहे. 

  याच कुटुंबातील १० वर्षीय कोमल प्रदीप सपकाळे या चिमुकलीचे स्वॅब टेस्ट चक्क पॉझिटिव्ह आल्याने परिसरात एकच खळबळ उडाली. तसेच सकाळीच या परिसरात फवारणी ही करण्यात आली. मुळात आमचे स्वॅब घेतलेच नाही अथवा कोणत्याही प्रकारची टेस्ट न करताच आमचे रिपोर्ट पॉझिटिव्ह आल्याचे कोमल आणि तिच्या कुटुंबियांनी सांगितले. त्यामुळे आरोग्य यंत्रणेचा जीवघेणा हलगर्जीपणा पुन्हा एकदा चव्हाट्यावर आला आहे. या घटनेने दहा वर्षीय कोमल धक्का बसला असून या सर्व प्रकाराची चौकशी झाली पाहिजे अशी मागणी सपकाळे कुटुंबीयांनी करत आहेत.

"मुरबाडच्या आरोग्य यंत्रणेवर ताण वाढत आहे. अपुरी कर्मचारी संख्या अहोरात्र मेहनत करून आरोग्य सेवा देण्याचा प्रयत्न करीत आहे. त्यात स्वॅब घेण्याचे काम हायरिस्कचे असल्याने घाईगडबडीत चुकून सदरचा प्रकार घडला आहे. मात्र पॉझिटिव्ह अहवालातून कोमलचा नाव काढण्यात येईल. तसेच कोमलच्या ट्यूबमध्ये दुसऱ्याचे स्वॅब गेले असून त्याचा ही शोध सुरू आहे. पुन्हा असा प्रकार होणार नाही, याची पूर्णपणे दक्षता घेतली जाईल. मात्र मुरबाडच्या लोकांनी सध्याच्या परिस्थितीचे गांभीर्य ओळखून जास्तीतजास्त खबरदारी बाळगणे खूपच आवश्यक आहे."

    -डॉ. श्रीधर बनसोडे, तालुका आरोग्य अधिकारी, मुरबाड

______________________________________________

[ मुरबाड : फवाऱ्यांनी उघडे केले कोट्यवधींच्या पाईपलाईनचे पितळ? ... वाचा सविस्तर ]

[ क्रिकेटप्रेमींसाठी आनंद वार्ता... IPL वेळापत्रकसाठी येथे क्लिक करा ]

[ निराशाजनक : मुरबाडच्या शिक्षण विभागाचा गाडा प्रभारींच्या चाकांवर... ]

[ JOB : IBPS Clerk Recruitment - 2020/1557 Vacancy ]

वाचा: दणका : शब्द मशालच्या 'त्या' बातमीने प्रशासनाला जाग...

[ आमच्या फेसबुक पेजला झटपट भेट देण्यासाठी येथे क्लिक करा ]

Creative Science Hub - Murbad

Zoom online lectures are started. Dont  miss the chance to enroll yourself.

To Enroll Contact on Below Number

8308922200 / 9404139039 / 8779945407

Click here to Follow our Facebook page

(शब्द मशालच्या सदर बातमीमध्ये अथवा कोणत्याही बातमीमध्ये काही त्रुटी, सूचना, दुरुस्ती अथवा मार्गदर्शन असेल तर वाचकांनी कृपया खालील कमेंट बॉक्समध्ये कळवावे ही विनंती)