माझ्या मुरबाडचा माळशेज! | किशोर गायकवाड

Beauty of Malshej Ghat

माझ्या मुरबाडचा माळशेज!

मावणार नाही डोळ्यांत तुझ्या,

त्याच्या सौंदर्याचं तेजं;

सर्वदूर आहे ख्याती असा,

माझ्या मुरबाडचा माळशेजं!

हाच आमचा कोंडाणा,

हाच आमचा रायरी;

शिवबाच्या पदस्पर्शाने;

पावन झालेली पायरी!

आकाशाला भेदणारे,

अभिमान आमचा सांगती;

शिखर त्याचे रुबाबदार,

जणू मदत आता मागती!

दृष्ट तुला लागली कोणाची?

खोट्या विकासात फसलास तू;

सुशोभीकरणाचं निमित्त आहे,

कसा त्या मोहाला भूललास तू?

पैसा तुझ्या संवर्धनाचा,

अन् विकसित होतोय भुरटा;

तू राहतो अर्धवटच,

बघ, लोणी खातोय चोरटा!

हव्यासखोर माफियांची,

लुटणारी टोळीच ती;

ओतून ही न भरणारी,

फाटलेली झोळीच ती!

क्रूरतेने पोखरणाऱ्यांनो,

हे कुरण नव्हे चरण्याचे;

लाचखाऊ खिशे तुमचे,

हे साधन नव्हे भरण्याचे!

होय, जागेल माझा मुरबाडकर,

तेव्हा हिशोब तुमचा सुटणार नाही;

लचके तोडून माळशेजला माझ्या,

पुन्हा कोणी लुटणार नाही..!

पुन्हा कोणी लुटणार नाही..!

        -किशोर गायकवाड

Malshej Ghat Valley

Landscape view of Malshej Ghat